എന്ഡോസള്ഫാന്, ഇന്ന് വാര്ത്താ മാധ്യമങ്ങളിലൂടെ ഏറ്റവും അധികം പ്രചരിക്കുന്ന ഒന്നാണ്. എന്ഡോസള്ഫാന് വരുത്തിവച്ച വിനാശങ്ങളുടെ കണക്കുകള് ലേഖനങ്ങളായും ചിത്രങ്ങളായും വീടിയോകളായും നമ്മള് എന്നും കണ്ടു കൊണ്ടിരിക്കുന്നു. ഈ മാരക വിഷത്തിന്റെ ദുരന്തങ്ങള് പേറി പതിനായിരക്കണക്കിനു മനുഷ്യരാണ് ജീവച്ഛവമായി ഇന്ത്യയില് ജീവിക്കുന്നത്. എന്ഡോസള്ഫാന് നാഡീ വ്യവസ്ഥയെ ബാധിക്കുന്ന അസുഖങ്ങള് മുതല് ജനിതക വൈകല്യങ്ങള്ക്കുവരെ കാരണമാകുന്നുവെന്ന് പഠനങ്ങള് തെളിയിച്ചിട്ടുണ്ട്. ഫ്രാന്സ്, സ്പെയിന്, ഗ്രീസ്, പോര്ച്ചുഗല്, യൂറോപ്പ്യന് യുണിയന്, ന്യൂ സീലണ്ട്, ഓസ്ട്രേലിയ തുടങ്ങി ലോകത്തിനെ അറുപത്തി മൂന്നിലധികം പ്രമുഖ രാജ്യങ്ങള് എന്ഡോസള്ഫാന് നിരോധിച്ചിരിക്കുന്നു. ഇത്രയൊക്കെയായിട്ടും ഈ മാരക വിഷത്തെ നിരോധിക്കാനോ നിയന്ത്രിക്കാനോ സര്ക്കാര് തയ്യാറാകാത്തത് എന്താണ് ?. സര്ക്കാര് ഇതിനെ നിരോധിക്കാന് തയ്യാറാവുന്നില്ല എന്ന് മാത്രമല്ല അന്തര്ദേശീയ തലത്തില് എന്ഡോസള്ഫാന് ന്യായീകരിക്കുകയും ചെയ്യുന്നു. മാരക വിഷപദാര്ത്ഥങ്ങളെ അന്താരാഷ്ട്ര തലത്തില് നിരോധിക്കുന്നത് സംബന്ധിച്ച തീരുമാനമെടുക്കുന്നതിനായി ജനീവയില് ഒത്തുകൂടിയ സമ്മേളനത്തില് എന്ഡോസള്ഫാന് കീടനാശിനിയെ പിന്താങ്ങുകയയിരുന്നു ഇന്ത്യ ചെയ്തത്.
ലോകത്തില് ഏറ്റവുമധികം എന്ഡോസള്ഫാന് ഉപയോഗിക്കുകയും ഉത്പാദിപ്പിക്കുകയും ചെയ്യുന്ന രാജ്യമാണ് ഇന്ത്യ. ഹിന്ദുസ്ഥാന് ഇന്സെക്റ്റിസൈഡ്സ് ലിമിറ്റഡാണ് ഇന്ത്യയില് എന്ഡോസള്ഫാന് മറ്റു പേരുകളില് (Benzoepin, Endocel, Parrysulfan, Phaser, Thiodan, Thionex ) നിര്മിക്കുന്നത്. ഇന്ത്യയിലെ പ്രമുഖര് ഇതിനകം തന്നെ എന്ഡോസള്ഫാന് നിരോധിക്കണം എന്ന ആവശ്യവുമായി മുന്നോട്ടു വന്നു കഴിഞ്ഞു.
പക്ഷെ ഏപ്രില് 25 നു തുടങ്ങുന്ന സ്റ്റോക്ക് ഹോം കണ്വെന്ഷനില് എന്ഡോസള്ഫാന് നിരോധിക്കുന്നത് സംബന്ധിച്ച് ചര്ച്ച ചെയ്യാന് ചേരുന്ന നിര്ണായക കണ്വെന്ഷനില് ഇന്ത്യ കീടനാശിനി നിരോധിക്കുനതിനു എതിരായി നിലപാടെടുക്കുമെന്ന് ഏറെക്കുറെ ഉറപ്പായിട്ടുണ്ട്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ