ഹിന്ദു ദിനപ്പത്രത്തില് വരുന്ന വാര്ത്തകളില് പലതും ‘പെയ്ഡ് ന്യൂസ്’ വിഭാഗത്തില് പെടുന്നവയാണെന്ന് ഹിന്ദു എഡിറ്റര് ഇന് ചീഫ് എന് റാമിന്റെ സഹോദരനും ഹിന്ദുവിലെ എഡിറ്ററുമായ എന് രവി. ഇക്കഴിഞ്ഞ 20-ന് പത്രത്തിലെ ജീവനക്കാര്ക്ക് അയച്ച കത്തിലാണ് തന്റെ ജേഷ്ഠന്റെ ‘പെയ്ഡ് ന്യൂസ്’ സംസ്കാരത്തെ പറ്റി രൂക്ഷമായ ഭാഷയില് എഡിറ്റര് രവി വിമര്ശിച്ചിരിക്കുന്നത്. അഴിമതി നടത്തി അഴിയെണ്ണുന്ന മുന് ടെലികോം മന്ത്രി എ രാജയുടെ ‘എക്സ്ക്ലൂസീവ്’ അഭിമുഖവും ടെലികോം വകുപ്പിന്റെ ഫുള് പേജ് കളര് പരസ്യവും ഒരേ ദിവസം ഹിന്ദുവില് വന്നത് ഹിന്ദുവിന്റെ പെയ്ഡ് ന്യൂസ് സംസ്കാരത്തെ സൂചിപ്പിക്കുന്നു എന്നും രവി പറയുന്നു.
ജീവനക്കാര്ക്ക് രവി അയച്ച കത്തോടെ ദക്ഷിണ ഇന്ത്യയിലെ ഏറ്റവും വലിയ ഇംഗ്ലീഷ് പത്രമായ ഹിന്ദുവില് കുടുംബ കലഹം മൂര്ച്ഛിച്ചിരിക്കുകയാണ്. ഇതിനിടെ രവിയെ എഡിറ്റര് പദവിയില് നിന്ന് തെറിപ്പിക്കാനും മറ്റൊരാളെ ആ പദവിയില് നിയമിക്കാനും എന് റാം കരുക്കള് നീക്കിത്തുടങ്ങി എന്ന് മാധ്യമങ്ങള് റിപ്പോര്ട്ട് ചെയ്യുന്നു.
തന്റെ ഫോട്ടോകളും പ്രസംഗങ്ങളും റാം ഹിന്ദു ദിനപ്പത്രത്തില് കുത്തിനിറക്കുകയാണെന്നും സ്വന്തം മുഖം മിനുക്കാന് ഒരു പത്രത്തെ ദുരുപയോഗപ്പെടുത്തുന്നത് ശരിയല്ലെന്നുമാണ് രവി കുറ്റപ്പെടുത്തുന്നത്. എന്തായാലും സഹോദരങ്ങളില് തമ്മിലുള്ള കലഹം ഹിന്ദുവിന്റെ ഡയറക്ടര് ബോര്ഡിലും ഭിന്നത ഉണ്ടാക്കിയിട്ടുണ്ട്. ഇവരെ പിന്തുണയ്ക്കുന്ന രണ്ട് വിഭാഗങ്ങള് ഇപ്പോള് തന്നെ ഡയറക്ടര് ബോര്ഡില് രൂപപ്പെട്ടുകഴിഞ്ഞു. കലഹം രമ്യമായി പരിഹരിക്കപ്പെടുമോ അതോ രവി പുറത്തുവന്ന് പുതിയൊരു പത്രം തുടങ്ങുമോ എന്ന് ഉറ്റുനോക്കുകയാണ് മാധ്യമലോകം.
ജീവനക്കാര്ക്ക് രവി അയച്ച കത്തോടെ ദക്ഷിണ ഇന്ത്യയിലെ ഏറ്റവും വലിയ ഇംഗ്ലീഷ് പത്രമായ ഹിന്ദുവില് കുടുംബ കലഹം മൂര്ച്ഛിച്ചിരിക്കുകയാണ്. ഇതിനിടെ രവിയെ എഡിറ്റര് പദവിയില് നിന്ന് തെറിപ്പിക്കാനും മറ്റൊരാളെ ആ പദവിയില് നിയമിക്കാനും എന് റാം കരുക്കള് നീക്കിത്തുടങ്ങി എന്ന് മാധ്യമങ്ങള് റിപ്പോര്ട്ട് ചെയ്യുന്നു.
തന്റെ ഫോട്ടോകളും പ്രസംഗങ്ങളും റാം ഹിന്ദു ദിനപ്പത്രത്തില് കുത്തിനിറക്കുകയാണെന്നും സ്വന്തം മുഖം മിനുക്കാന് ഒരു പത്രത്തെ ദുരുപയോഗപ്പെടുത്തുന്നത് ശരിയല്ലെന്നുമാണ് രവി കുറ്റപ്പെടുത്തുന്നത്. എന്തായാലും സഹോദരങ്ങളില് തമ്മിലുള്ള കലഹം ഹിന്ദുവിന്റെ ഡയറക്ടര് ബോര്ഡിലും ഭിന്നത ഉണ്ടാക്കിയിട്ടുണ്ട്. ഇവരെ പിന്തുണയ്ക്കുന്ന രണ്ട് വിഭാഗങ്ങള് ഇപ്പോള് തന്നെ ഡയറക്ടര് ബോര്ഡില് രൂപപ്പെട്ടുകഴിഞ്ഞു. കലഹം രമ്യമായി പരിഹരിക്കപ്പെടുമോ അതോ രവി പുറത്തുവന്ന് പുതിയൊരു പത്രം തുടങ്ങുമോ എന്ന് ഉറ്റുനോക്കുകയാണ് മാധ്യമലോകം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ