എന്ഡോ സള്ഫാന് ആഗോള തലത്തില് നിരോധിച്ചു ..! കേരളത്തിന്റെ ഒറ്റക്കെട്ടായുള്ള ശക്തമായ നിലപാട് ജനീവ കണ്വെന്ഷനില് വലിയ സ്വാധീനം ചെലുത്തി എന്ന വാര്ത്തകള് നമ്മെ പുളകം കൊള്ളിക്കുന്നു .. ഒരു ഭാരതീയന് എന്ന നിലയില് ലജ്ജിക്കുന്നുഎങ്കിലും ഒരു മലയാളിയായതില് നമ്മള് അങ്ങേയറ്റം അഭിമാനിക്കുന്നു ..
ഈ ശക്തമായിട്ടുള്ള സമരത്തിന് രാഷ്ട്രീയം നോക്കാതെ അണിനിരന്ന എല്ലാവരെയും , കേരളത്തിന്റെ വേദനിക്കുന്ന മനസ്സ് ഒപ്പിയെടുത്തു ലോക രാഷ്ട്രങ്ങളുടെ പ്രതിനിധികളിലേക്ക് സന്നിവേശിപ്പിച്ച ഇവിടെ നിന്ന് പോയ ചുണക്കുട്ടികളെയും അഭിനന്ദിക്കുന്നു ..
ഇത്തരുണത്തില് ഈ സമരം തുടര്ന്നും ശരിയായ ദിശയില് നടക്കേണ്ടതുണ്ട് ..,
1. മാരകമായ കീടനാശിനികളെ എല്ലാം നിരോധിക്കാനും , വ്യാപകമായിട്ടില്ല എങ്കില് പോലും, ഇന്ത്യയില് പല സ്ഥലത്തും ഇപ്പോള് വിജയകരമായി നടത്തി കൊണ്ടിരിക്കുന്ന പരിസ്ഥിതിക്കോ മനുഷ്യനോ നാശം വരുത്താത്ത ജൈവിക മാര്ഗ്ഗങ്ങള് എത്രയും പെട്ടെന്ന് രാജ്യ വ്യാപകമായി നടപ്പിലാക്കാന് കേന്ദ്ര പരിസ്ഥിതി കൃഷി മന്ത്രാലയങ്ങളും സംസ്ഥാന സംവിധാനങ്ങളും , ഗവേഷണ സ്ഥാപനങ്ങളും കൂടെ ജനങ്ങളും ഉണര്ന്നു പ്രവര്ത്തി ക്കേണ്ടതാകുന്നു
2. എന്ഡോ സള്ഫാന് ഇരകള്ക്ക് മാന്യമായ പുനരധിവാസവും ചികിത്സയും നഷ്ടപരിഹാരവും ഉടന് ഉറപ്പു വരുത്തേന്ടതാകുന്നു
3. ഇത് പോലെ ജന പക്ഷത്തു നിന്നുള്ള എല്ലാ പോരാട്ടങ്ങള്ക്കും കൊടിയുടെ നിറം നോക്കാതെ ഒറ്റക്കെട്ടായി എല്ലാവരും അണി നിരക്കാന് ഇതൊരു പ്രചോദനമാകട്ടെ ..
കേരളം പൊതുവേ കാണിക്കുന്ന ശക്തമായ സോഷ്യല് അവേര്നെസ്സ് തുടര്ന്നും പലവിഷയത്തിലും
മുറുകെ പിടിക്കാനും ലോകത്തിനു മാതൃകയാകാനും നമുക്ക് കഴിയട്ടെ .
1 അഭിപ്രായം:
sarikkum india thottu nammal indiakkar tholppichu
ഒരു അഭിപ്രായം പോസ്റ്റ് ചെയ്യൂ